Stöia do Club de Ballon o ciù antigo d’Italia


O Genoa Cricket and Football Club o l’è o club de ballon o ciù antigo d’Italia, fondou i 7 de settembre do 1893 into Consolou Britannico de Zena, unica societæ de ballon ancon attiva tra e sette che an constuio, do 1898, a Federazione Italiana Football (dapeu F.I.G.C.), e quarto inta scaa di vinçitoî do Campionou Naçionale (9 scudetti); o vanta unna longa serie de recòrd e primmogenitue.

O palmares o l’includde unna Coppa Italia (1937), quattro trionfi internaçionali (2 “Coppe delle Alpi” into 1962 e into 1964, 1 “Coppa dell’Amicizia Italo-Francese” into 1963, o “Torneo Anglo-Italiano” do 1996) e diversci succesci a-i arboî (mençioin speciali pe “Palle Dapples” e “Coppa Lombardia”).

L’attivitæ promòssa a-e origini a l’è stæta primmäia pe diffonde a pratica do zeugo do ballon e i valoî do spòrt.
Grande impulso o l’à fornio o James Richardson Spensley. Mego e filantropo, portê e capitanio, consciderou tra i poæ fondatoî do nòstro ballon e do scoutismo in Liguria, l’è stæto graçie à lê che s’è averto a-i sòcci italien.

A societæ a fa parte da-o 2013 do Club di Pioniê, ente riconoscio da-a F.I.F.A., comprendente l’erboo genialògico di club i ciù antighi a-o mondo.
E tradiçioin do Zena reconduxan à unn’infinitæ de fæti e nommi, stöie e racconti che an accompagnou, longo a parabola di resultati sportivi, e transformaçioin epocali, i mutamenti de scenäi, e evoluçioin di costummi. O Zena comme fenòmeno sociale e patrimònio da communitæ, int’un binòmio plurisecolare co-a çittæ de Zena.

O Zena o l’à diversci primmati, çertidun sportivi e atri relativi à l’organizzaçion e a-a vitta da Societæ e da communitæ genoaña.

Hall of Fame


O l’è un progetto realizzou da-a “Fondazione Genoa 1983 ETS” e da-o “Genoa Cricket and Football Club”, nasciuo da-a voentæ de valorizzâ o patrimònio e a stöia do “Genoa Cricket and Football Club” à traverso l’evocaçion da seu preçiosa memöia stòrica, çelebrando e personalitæ e ciù rappresentative e emblematiche, che co-a seu òpera an contribuio à construî e consolidâ a stöia do Club de Ballon o ciù antigo d’Italia.

L’ediçion 2013 a l’à segnou l’ingresso de 11 grendi inta stöia do Club o ciù antigo d’Italia, into l’Olimpo do “Genoa Cricket and Football Club”. Chì de sotta o dettaggio di 11 “Hall of Famers 2013”. A “Genoa Hall of Fame 2013” a s’è conclusa co-o voto finale da Zonta de Qualitæ che a l’à decretou i 11 vinçitoî. Inta seu primma ediçion st’iniçiativa a l’à ottegnuo unna grande parteçipaçion popolare, fæto testimoniou da-e ciù de 20.000 preferense racuggeite inte 5 fase do voto. I 11 “Hall of Famers 2013” son stæti presentæ in sciô prou do Ferraris e premmiæ con de òpere do pittô Francis Romero Bayter dedicæ à liatri, giusto avanti do scigoo de iniçio de unna gara da l’erto valô scimbòlico, Zena-Napoli.

I “Hall of Famers 2013” son:

Portê

Giovanni DE PRÀ

Portê do Zena da-o 1921 a-o 1933, con 19 presense inta Naçionale Italiaña. Into luggio 1972 o riçeive a “Fronda d’Oro”, reconoscimento destinou à chi in patria e into mondo o l’onoa a tæra ligure e e seu gente. O 9 de dexembre do 1979, anno da seu mòrte, ghe vëgne intitolou a stradda ch’a core tra o Besagno e o Stadio Luigi Ferraris.
Difensoî

Gianluca SIGNORINI sr

Arivou a-o Zena into settembre 1988, primma ancon che zugou o l’è stæto un òmmo de grande personalitæ. O l’ea lê à guiddâ o reparto e à comandâ e operaçioin. Da regordâ a seu esultansa invexendâ sotta a Nòrd, dòppo avei impreiso da-a radio a notiçia da ræ subia à Milan, à tempo scazzuo, da-o Padova, ch’a regallava a-o Zena o spareggio-sarvessa. Dòppo a seu mòrte, avvegnua i 6 de novembre 2002, a seu maggia numero 6 a l’è stæta retiâ da-a Societæ.

Vincenzo TORRENTE

Arrivou a-o Zena à dixineuve anni inte l’estæ do 1985, o s’è fæto nottâ scin da l’iniçio pe-a concentraçion inta marcatua e o senso da poxiçion; o finisce a seu carrea, sensa soluçion de continuitæ, into Zena do 2000 (segondo pòsto segge pe stagioin consecutive disputæ segge pe presense), zugando da libero.

Ottavio BARBIERI

Difensô de fascia drita, dottou de grande corsa, o l’è stæto o solo grande produto da pascionea rossobleu do primmo doppoguæra; o faxeiva parte da formidabile squaddra ch’a l’à guägno doî titoli inti anni Vinti. O l’à zugou in rossobleu da-o 1919 a-o 1932 e o l’à rappresentou o Zena pe 21 vòtte inta Naçionale Italiaña.

Cláudio Ibraím VÁZ LEAL «BRANCO»

Tersin scinistro (“bec”, in bon zeneise) brasilian, arrivou da-o Pòrto into mercou do novembre 1990, o l’à lasciou o segno inta stöia do Zena con unna memorabile puniçion ch’a l’à dæto a-o “pòpolo rossobleu” un successo into derby atteiso da di anni. Inte succescive doe stagioin, o l’ea inte quello momento un di ciù grendi specialisti de puniçioin, e tra i ciù fòrti zugoei into seu ròllo à livello mondiale.
Centrocampisti

Gennaro RUOTOLO

Domenica 20 gennaio 2002, in Genoa-Pistoiese 1-1 Ruotolo disputò il 511° incontro (445° di campionato) ufficiale con il Genoa. Giocatore di grande ritmo, ha disputato i suoi migliori campionati tra il 1988/1989 e il 1991/1992, ma si è fatto notare anche per un successivo affinamento della tecnica, che lo ha portato a disputare alcune partite in qualità di regista.

Mario BORTOLAZZI

Arrivou a-o Zena à vintiçinque anni, o l’à avuo un iniçio pe ninte façile, curminou co-o penarchi sbaliou in Coppa Italia co-a Romma into novembre do 1990. Da-o derby vinto pe sorpreisa quattro giorni apreuvo o s’è propòsto comme o leader do centrocampo genoan, scina à quande, do 1998, co-a ræ da vittöia in sce cäso de puniçion inta partia d’addio a-o “Luigi Ferraris”, contra o Padova, o decidde de anâ à zugâ in Inghiltæra, tra e fille do West Bromwich Albion.


Juán Carlos VERDEAL

Argentin de poæ spagnòllo e moæ italiaña, o l’à zugou into Zena da-a stagion 1946/1947 à quella 1948/1949, inta quæ o l’à disputou un belliscimo giron d’anæta, ch’o l’à avuo a seu megio pagina inta vittöia casænga pe 3-0 in sciô Grande Torino. Da seu tecnica sopraffiña e do seu axillo in campo o benefiçiäio numero un o l’ea l’aa scinistra, Riccardo Dalla Torre.
Attaccanti

Carlos Alberto AGUILERA NOVA

Arrivou inta stæ do 1989, “Pato”, zugou tecnico da-o fixico minuo, o s’è rivelou subito a “spalla” ideale pe-o compagno de reparto de turno (che cobbia con Skuhravy!), e into mæximo tempo un micidiale finalizzatô. No se peu scordâ e seu doe ræ à Liverpool, quande o Zena i 18 de marso do 1992 o l’è anæto à violâ, primma squaddra italiaña à fâlo, l’Anfield Road.

Roberto PRUZZO

Produto da pasicionea rossobleu, Pruzzo o l’ea o tipico centravanti de rigô, bon à sfruttâ i pöchi spaçi che e rigide marcatue à òmmo ghe lasciavan. Dòppo avei esordio into 1973/1974 co-o Zena o l’è diventou o bomber da formaçion rossobleu ch’a l’à contribuio a-a promoçion in Serie A, arrivando a-a ciassa d’onô inta clascifica marcatoî à træ longhesse da Ciccio Graziani. L’anno apreuvo, a-a fin do campionou, Pruzzo o lascia pe sempre o Zena pe passâ a-a Romma, donde o l’à zugou pe dex’anni, avanti de concludde a carrea a-a Fiorentiña.

Tomás SKUHRAVY

Inta stæ do 1990 o l’arriva a-o Zena o centrofövar do Sparta Praga e da Cecoslovacchia, Skuhravy. Braviscimo à dâghe de testa, l’aitante bomber o l’à segnou into primmo campionou 15 ræ, sensa manco un penarchi. Un incidente inta preparaçion estiva da stagion dòppo o ne miña l’integritæ fixica, transformando un di megio centrofövar do mondo inte un bon interprete do ròllo. O l’è stæto in assoluo o zugou o ciù votou inta “Hall of Fame 2014”.
O “Genoa Cricket and Football Club” e a “Fondazione Genoa 1983” presentan l’ediçion 2015 da “Hall of Fame”. 200 lezzendie rossobleu chiñan in campo. Solo uña a saià a “Hall of Famers 2015”.

Centrocampisti

Marco ROSSI

Bandea e scimbolo do Zena in campo e ancheu dirigente. Capitan de longo corso, zugou polivalente pe qualitæ tenciche e fixiche. Straordenäia generoxitæ. O club o l’à retiou a maggia numero 7 a-a fin da carrea, iniçiâ in rossobleu do 2003 e anæta avanti pe 11 stagioin e inte træ categorie despægie. Pe-a seu duttilitæ o l’è stæto impegnou inte squæxi tutti i ròlli.

I primâti sportîvi do Zena CFC


O “Genoa Cricket and Football Club” a l’è:
a ciù antiga Societæ italiaña de ballon: a l’è stæta fondâ i 7 de settembre 1893, e a seu seçion “Football” a l’è stæta instituia do 1896; a l’è l’unica tra e societæ che existan ancon à avei parteçipou into 1898 a-a fondaçion da “Federazione Italiana d Football”.
a primma vinçitoa do compinou naçionâ de ballon: 1898
meistra do zeugo do ballon in Italia, avendo guägno sei di primmi sette campionæ italien
a squaddra che pe ciù tante vòtte a l’è restâ imbattua into mascimo campinou (1898-1899-1900-1902-1903-1904-1905-1922-23)
a squaddra ch’a l’à vinto o compionou duou ciù à longo (1923-24, 11 meixi da-i 7 de ottobre 1923 a-i 7 de settembre 1924)
a primma squaddra italiaña à inandiâ un settô giovanile (1902, pe-i figgeu sotta i 16 anni)
a primma squaddra italiaña à disputâ un incontro internaçionale tra squadre de club (1° de marso 1903: Zena-Football Vélo Club Nice 6-0) e a primma ch’a l’à zugou à l’estranxeo (26 de arvî 1903: Football Vélo Club Nice – Zena 0-3)
a primma societæ à guägnâ o campionou italian de pallaneuo, instituio da-a “Federazione Italiana Rari Nantes” (1912)
a primma societæ italiaña à assume un allenatô profescionista: William Thomas Garbutt into 1912 (nasce coscì a tradiçion de ciammâ “mister” l’allenatô)
a primma squaddra à appontâ o scudetto tricolore in scê seu maggette: campionou 1924-25
a squaddra che a l’à segnou o ciù grande numero de ræ int’unna partia do mascimo campionou (16, inte Acqui-Zena di 4 de ottobre 1914, recòrd dapeu egualiou da l’Internazionale) e int’unna partia in trasferta (inta mæxima occaxon)
a primma squaddra italiaña (insemme a-a Juventus) à parteçipâ à unna competiçion europea: “Coppa Europa Centrale” do 1929
a primma squaddra italiaña à avei adottou comme modello de zeugo o “scistema” (1939-1940, allenatô Ottavio Barbieri)
a primma squaddra italiaña à batte o Liverpool into staddio de l’Anfield Road, int’unna competiçion offiçiâ europea (18 de marso 1992 Liverpool-Zena 1-2 “Coppa UEFA”)
a primma squaddra italiaña à vincçe a “Coppa delle Alpi” (1962)

“Genoa Club” e Associaçioin


Into 1965 nasce o “Coordinamento dei Club Genoani”, co-a primma sede in via Assarotti. O tifo genoan di anni ’60 o diventa un fenòmeno de massa, e o segna a nascita de dexeñe de club in çittæ e in Liguria. Za inti primmi anni ’70 o Coordinamento o contava circa 100 club affiliæ. Int’unna riunion inta neuva sede do Coordinamento de via Garibaldi piggia forma l’idea de l’açionariou popolare, saiva à dî a parteçipaçion diretta di tifoxi inta gestion da societæ. A meitæ di anni ’90 nasce l’“Unione Tifosi Genoa” (UTG), in alternativa a-o Coordinamento, con ciù ni meno 20 club affiliæ.
Into 1999 nasce l’“Associazione Club Genoani” (ACG). O Coordinamento o se desfa e l’UGT a l’aderisce comme semplice club a-a neuva realtæ do tifo organizzou. In giornâ l’AGC, int’un crescio constante, a mette insemme ciù de 100 club, spantegæ inte tutto o mondo: 60 à Zena, 30 in Liguria, 9 in Italia, 5 into mondo. L’attivitæ de l’AGC a se sviluppa in sce trei fronti: favorî l’aggregaçion di tifoxi, a cua di rappòrti tra Societæ e Club, a promoçion de attivitæ rivòlte a-o sociale.
Existe in de ciù di atri club comme o “Genoa Club San Fruttuoso”, o “Genoa Club Bolzaneto”, o “Genoa Club Lino Bonilauri” e e “Associazioni Un Cuore Grande Così Onlus” e “Grifoni in Rete”.