A “Fondazione Genoa 1893 ETS” a l’è stæta constituia i 7 de marso do 2006. I succescivi 5 de settembre a l’à ottegnuo, con Decreto da Region Liguria, o reconoscimento formale e a personalitæ giuridica.
A Fondaçion a l’è nasciua graçie à unn’iniçiativa do Prescidente do “Genoa Cricket and Football Club”, Enrico Preziosi, int’unna fase delicâ da stöia da societæ, piggiando sponto e reo da-e vixende de quello momento, comme unna reaçion da communitæ genoaña, e comme garançia pe-o futuo.
L’Ente o l’è unna “Fondaçion de parteçiopaçion”: i aderenti, che sottoscrivan de contribuçioin inte diverse forme previste da-o Statuto, peuan esprimme o seu voto pe-a nòmina di membri do Conseggio de Indirisso, che pe conto seu o concore à nominâ o Conseggio de Reggensa.

A Fondaçion a l’à riçevuo da-o seu fondatô unna dotaçion iniçiâ ch’a conscistiva int’unna somma de dinæ, coscì comme de açioin che rappresentavan o 25% do capitale sociale do Zena societæ, co-a garançia de avvardâne l’integritæ do capitale sociale pe dex’anni. Apreuvo a-o vegnî meno de dita garançia e açioin son son stæte retrocesse, garantindo coscì a-a Fondaçion un ricavo adattou à concorrî a-a seu sopravvivensa e à quella do Museo pe-i anni chi vëgne.


Bilancio Sociale



I dæti chì de sotta vëgnan pubricæ con l’intendimento de agevolâ e Pubriche Amministraçioin interessæ, in ottemperansa di òblighi de lezze in matëia de pubricitæ, transparensa e diffuxon de informaçioin.

2006

2007

2008

2009

2010

2011

2012

2013

2014

2015

2016

2017

2018

2019

2020

2021

   

Rendicontaçion 5x1000



I dæti chè de sotta vëgnan pubricæ in ottemperansa di òblighi de lezze relativi a-a discipliña de instituto do çinque pe mille de l’impòsta in sciô reddito de persoñe fixiche 2009.

2009

2010

2011

2012

2013

2014

2015

2016

2017

2018

2019

2020

  

E finalitæ da “Fondazione Genoa 1893 ETS”

1
Promeuve tra e neuve generaçioin o crescio de communitæ de sostegnitoî do Zena e l’dentificaçion inti valoî da seu tradiçion sportiva e sòccio-colturale;
1
Cuâ a recuggeita de documentaçion e materiali e promeuve riçerca in sciâ stöia do Zena, ascì into contesto da stöia da çittæ de Zena e de quella do zeugo do ballon in Italia, portandone avanti a divulgaçion anche graçie l’allestimento, a gestion e l’ampliamento do Museo da Stöia do Zena e de l’Archivio Storico do Zena;
1
Promeuve into mondo giovanile ligure e inte categorie svantaggiæ ò disagiæ de iniçiative e di strumenti de educaçion, de interesse e de parteçipaçion a-o zeugo do ballon – comme spettacolo, comme pratica e comme momento de aggregaçion sociale e de promoçion da condiçion giovanile – segondo di valoî de sportivitæ, lealtæ e civiltæ;
1
Promeuve a pratica do zeugo do ballon tra i zoeni e à livello dilettantistico in Liguria, e in particolâ a riçerca e a formaçion, sportiva e educativa, di zoveni talenti;
1
Promeuve de iniçiative de studdio e de propòsta reformatoa de l’ordinamento sportivo italian, con particolâ attençion à quello do ballon;
1
Conlaborâ co-o Zena societæ (ciammâ in giornâ “Genoa Cricket and Football Club S.p.a.”), comme entitæ esponente di interesci diffuxi da communitæ zeneise e di sostenitoî do Zena, asciste e sostegnî a societæ, mantegnindo unna constante informaçion in sce l’attivitæ e in sciâ gestion de sta chì, e affavoindone o crescio sportivo;
1
Promeuve attivitæ e iniçiative colturali into campo do spòrt, do studdio e da divulgaçion da stöia, coscì comme da valorizzaçion do territöio ligure.

Eleçioin da “Fondazione Genoa 1983 ETS”



Ògni trei anni i òrgani da “Fondazione Genoa 1983 ETS” se renoelan, pe mezo de de eleçioin che veddan a parteçipaçion de sottoscrtïtoî e abbonæ.

Chi vota

Peu votâ i Soscrittoî e i Abbonæ Sossoscrttoî. A “Fondazione Genoa 1983 ETS” a rilascia à tutti i soscrittoî un attestou ch’o l’indica o nominativo, a somma versâ e o certifica ascì o corrispondente diritto de voto pe elezze, ògni trei anni, i rappresentanti into Conseggio de Indirisso.

Comme se vota

E eleçioin di rappresentanti di sottoscrittoî avvëgnan à traverso o scito internet da Fondaçion, deuviando username e password personali assegnæ à tutti i soscrittoî. Ògni scingolo voto o l’è ponderou in sciâ base do valô do versamento rispetto a-o totale de sottoscriçioin recuggeite.

Liste elettorali

Arrivià fito